Plantun de Prouvènço

Pèr coumpara dos planto d'encò nostre

Rhamnus alaternus & Orobanche pubescens

Daladèr

Rhamnus alaternus

Rhamnaceae

Àutri noum : Aladèr, Fielagno, Daradèu, Taradèu, Aigo-espouncho.

Noms en français : Alaterne, Nerprun alaterne.

Descripcioun :
Aubret en bouissoun de 1 à 3 m d'auturo, pas toujour bèn couneigu e pamens que se vèi proun dins la garrigo e li relarg de l'éuse e dóu roure. Se destrìo de si cousin li Phillyrea e majamen lou media, à si fueio que lou bord laisso passa lou lume (fotò). De regarda peréu li costo. Fai, au mes de mars, de pichòti flour verdo.

Usanço :
Li fru rouge, pièi negre dóu daladèr soun empouisounant. Servié, à passa tèms, pèr faire uno tenchuro jauno. La rusco es astringènto e purgativo.

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhamnus
Famiho : Rhamnaceae

Coulour de la flour : Verdo
Petalo : 5
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Garrigo
Estànci : Termoumediterran à Mountagnard
Couroulougi : Pancaro entresigna
Ref. sc. : Rhamnus alaternus L., 1753

Erbo-de-taurèu(-peludo)

Orobanche pubescens

Orobanchaceae

Nom en français : Orobanche pubescente.

Descripcioun :
Aquesto erbo-de-taurèu raro, trachis dins li garrigo duberto e li tepiero roucaiouso pas trop liuen de la mar. Parasito souvènt la cardello-bousselado, Sonchus bulbosus e Glebionis segetum (coume eici). Èi proche de Orobanche minor, pamens se n'en destrìo que se flour soun roso e quèi proun peludo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 15 à 22 mm
Flourido : Printèms

Sòu : Ca
Autour basso e auto : 0 à 400 m
Aparado : Noun
Remarco : Planto de coustiero
Abriéu à mai

Liò : Garrigo - Tepiero roucaiouso
Estànci : Mesoumediterran
Couroulougi : Mediterrano
Ref. sc. : Orobanche pubescens d'Urv., 1822

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rhamnus alaternus & Orobanche pubescens

CCC

Coumpara Daladèr emé uno autro planto

Coumpara Erbo-de-taurèu(-peludo) emé uno autro planto